Air pollution in Yangon before and during Covid

ကမ္ဘာပေါ်မှာ လေထုညစ်ညမ်းခြင်းဟာ ဆိုးရွားပြင်းထန်တဲ့ ပြဿနာပါ။ တခြားနိုင်ငံတွေလိုပဲ ကျွန်ုပ်တို့ မြန်မာနိုင်ငံမှာလည်း Covid ကပ်ရောဂါကြီး ကျရောက်လာချိန်မှာ ဒီဗိုင်းရပ်စ်ကို တိုက်ထုတ်ဖို့ ကန့်သတ်ချက်တွေ ထုတ်ပြန်ကြရပါတယ်။ ဒီကန့်သတ်ချက်တွေဟာ လေထုညစ်ညမ်းခြင်းအပေါ်မှာ သက်ရောက်မှုတွေ ဖြစ်စေနိုင်ပါတယ်။ ဒါကြောင့် လေထုညစ်ညမ်းခြင်းဟာ ဒီကပ်ရောဂါကာလအတွင်းမှာ ပြောင်းလဲမှုရှိသလားဆိုတာ သိရှိနိုင်ဖို့ ဒေတာတွေ အသုံးပြုပြီး တိုင်းတာနိုင်မယ့် စိန်ခေါ်မှုဖြစ်တဲ့ "Air pollution in Yangon before and during Covid" စိန်ခေါ်မှုကို ဒို့ဖန်တီးကနေ နည်းပညာရှင်တွေ ပါဝင်နိုင်ဖို့ ဖိတ်ခေါ်လိုက်ပါတယ်။ ဒီစိန်ခေါ်မှုကို ဒို့ဖန်တီးနဲ့အတူ SPIDER မှအကောင်အထည်ဖော် တင်ဆက်တာဖြစ်ပြီး "Visualising Environmental Issues in Myanmar Using Satellite Images" စိန်ခေါ်မှုနဲ့အတူ တစ်ချိန်တည်းမှာ ကျင်းပသွားမှာဖြစ်ပါတယ်။ 

ပြိုင်ပွဲက ဘယ်အချိန်စပြီး ဘယ်မှာစာရင်းသွင်းရမလဲ

 ဒီစိန်ခေါ်မှုတွေကို ၆ရက် နိုဝင်ဘာလ ၂၀၂၀ မှာ စတင်မှာဖြစ်ပြီး နှစ်ပတ်ကြာ ယှဉ်ပြိုင်ရမှာ ဖြစ်ပါတယ်။ အနိုင်ရရှိတဲ့အဖွဲ့ကို ဒေါ်လာ ၁၂၅၀ ချီးမြှင့်သွားမှာဖြစ်ပါတယ်။

စိန်ခေါ်မှုမှာ ဝင်ရောက်ယှဥ်ပြိုင်ဖို့အတွက် ဒို့ဖန်တီးမှာ ဒီ လင့်ကနေတစ်ဆင့် အခုပဲ စာရင်းပေးသွင်းလိုက်ပါ။